TIRANË- Këshilli i Lartë i Prokurorisë (KLP) ka njoftuar përfundimin e mandatit 5-vjeçar të kryetares së Byrosë Kombëtare të Hetimit (BKH), Aida Hajnaj.
Më herët është hapur gara për të gjetur pasuesen e saj në krye të këtij organi.
Në total u shqyrtuan aplikimet dhe dokumentacioni i 13 kandidatëve, ndërsa vetëm 7 prej tyre kaluan në fazën tjetër të konkurimit.
Pas verifikimit të dokumentacionit dhe përmbushjes së kritereve ligjore, kandidatët që vijojnë garën janë:
-Andi Pogaçe
-Artur Beu
-Elton Kërluku
-Gentian Ndoi
-Gentjan Shehaj
-Gledis Nano
-Joni Keta
Tashmë të 7 kandidatët do të pikëzohen nga komisioni, që përbëhet nga tre prokurorë dhe më pas emri do t’i kalojë KLP për votim.
