Në tri javët e para të sezonit 2025-2026 në Kategorinë e Dytë, Tomori ka shpërthyer në një problem të ri: ndëshkimet me kartonë. Pavarësisht një starti të dobët në kampionat, me vetëm një pikë nga tri ndeshje, skuadra e Tomorit ka vuajtur më shumë nga disiplina sesa nga rezultati.
Në total, janë regjistruar 15 kartonë, përfshirë 1 të kuq dhe 14 të verdhë, që po ndikojnë negativisht në zhvillimin e lojës.
Në ndeshjen e fundit ndaj Orikut, skuadra u ndëshkua me kartonin e kuq të sulmuesit Daniel Lirëza, pas dy të verdhave, duke shtuar shqetësimin për një problem që po përkeqësohet.
Kartonët e verdhë kanë qenë kryesisht të shpërndarë në dy transferta, ndaj Shkumbinit dhe Orikut, dhe përkrah një numri të konsiderueshëm në ndeshjen ndaj Partizanit B në shtëpi.
Lirëza ka ngritur alarmin për mënyrën se si po gjykohen ndeshjet jashtë Beratit, duke e konsideruar këtë si një formë presioni ndaj lojtarëve që mund të ulë ritmin e lojës dhe të krijojë frikë në dyluftime.
Për këtë arsye, pritet që stafi teknik të ndërhyjë për të menaxhuar më mirë këtë situatë dhe për të siguruar që futbollistët të jenë më të kujdesshëm në fushë.
Figura të rëndësishme të futbollit beratas kërkojnë ndërhyrjen e drejtuesve të klubit dhe institucioneve për të adresuar këtë fenomen dhe për të parandaluar gjykimet tendencioze që mund të dëmtojnë më tej skuadrën në vazhdim.
Lojtarët e ndëshkuar:
-
Çaço – 3 kartonë të verdhë
-
Kumani – 3 kartonë të verdhë
-
Lirëza – 3 kartonë të verdhë dhe 1 i kuq
-
Lala – 1 karton i verdhë
-
Donoi – 1 karton i verdhë
-
Vrapi – 1 karton i verdhë
-
Zoga – 1 karton i verdhë
-
Ngene – 1 karton i verdhë
Kjo situatë po trondit skuadrën e Tomorit dhe ka lënë një shije të hidhur, pasi ecuria e kampionatit mund të shkojë për keq për shkak të këtij fenomeni.
