Kryetari i Partisë Demokratike, Sali Berisha, gjatë komunikimit online me qytetarët, nuk e përjashtoi mundësinë që një nga skenarët e protestës të jetë edhe bllokimi i akseve kombëtare në të njëjtën orë.
Sipas kreut të selisë blu, kjo është një nga format e kryengritjes paqësorë.
“Të bashkohemi të gjithë më 10 shkurt, të betuar se do të vazhdojmë kryengritjen paqësore deri në largimin e kësaj organizate kriminale”, tha Berisha.
Pyetje: A do të ishte më efektive që revolta të spostohej në bllokime aksesh kombëtare, në një orar, në një ditë dhe të mbahen të bllokuara.
Sali Berisha: Të falënderoj shumë për sugjerimin. Të garantoj që edhe ajo është një nga format e kryengritjes paqësore.
Protesta e 10 Shkurtit do të zhvillohet në Tiranë, duke nisur prej orësh 17:00.