Ministrja e Shëndetësisë dhe Mbrojtjes Sociale, Evis Sala, ka deklaruar se brenda vitit do të sigurojë që në QSUT të jetë aparatura e brakiterapisë.
“Brakiterapia do të vijë brenda këtij viti, ashtu siç e kam thënë. Do ta mbaj fjalën. U siguroj qytetarëve që do të kemi një aparaturë brakiterapie në fund të këtij viti. Shërbimi i brakiterapisë që nuk ka funksionuar do të fillojë të funksionojë brenda vitit 2026”, deklaroi ministrja.
Brakiterapia (radioterapia e brendshme) është një lloj radioterapie që përdoret për të trajtuar kancerin. Në këtë metodë, burimi radioaktiv i rrezatimit vendoset ose shumë afër tumorit ose brenda vetë tumorit për të vrarë qelizat kancerogjene dhe për të tkurrur tumoret.