Në konferencën për shtyp, Ilir Meta u pyet këtë të mërkurë nëse do ta njohë vendimin e Gjykatës Kushtetuese, nëse kjo e fundit vendos të pranojë kërkesën e Kuvendit për ta shkarkuar.
Pyetje: Ju u shprehët që procedura e Kuvendit për shkarkimin tuaj ka qenë e parregullt, po ashtu keni kërkuar tërheqjen e trupës së GJK… Nëse kjo e fundit vendos pro shkarkimin tuaj, a do ta njihni këtë vendim?
“Ju thoni nëse 24 Korriku është sot? Unë do të doja të ishte që dje. Nuk do të ketë asnjë bravë shtesë në institucionin e Presidentit, nuk do të blindohet asnjë gjë. 24 Korrik ju kam premtuar do bëjmë një festë të gjithë së bashku dhe pastaj aty është populli i 2 Marsit, është shtuar shumë gjatë kësaj kohe sidomos me këto falsifikimet e fundit është shumë i irrituar. Por ne duhet të ruajmë vetëpërmbajtjen e cila është relative dhe dinamike sepse nuk varet vetëm nga presidenti, kur palët sillet normalisht, presidenti sillet si danez”, deklaroi Meta.