Pavarësisht vendimit të gjykatës për tu paraqitur dy herë në muaj, Sali Berisha thotë se urdhri i gjykatës është i paligjshëm.
Sipas tij, avokatja e caktuar nga shteti, Valentina Teodoresku për të mbrojtur interesat e tij ishte fytyra e vërtetë e Edi Ramës.
“Urdhri i gjykatës është i paligjshëm. Ajo që më përfaqësoi mua ishte fytyra e vërtetë e Edi Ramës dhe është e paligjshme”, tha Berisha.
Ndërsa i pyetur për veprimet e fundit të SPAK, ku ka sekuestruar pasuritë e Pëllumb Gjokës, Berisha tha se Jamarbër Malltëzit ia sekuestruan brenda një ore, ndërsa Gjokës, pasi i zbrazi llogaritë bankare.
“Profesor Abi Malltezit pa provuar pas tri vitesh asnjë shkelje ligjore i vendosin sekuestro brenda orës për të gjitha pronat e tij. Vrasësit Pëllumb Gjoka, mikut të ngushtë të skapistëve kriminele u detyruan ti vendosin sekuestron megjithëse duhet të dini një gjë, regjistrimet e bisedave dhe mesazheve në Encrochat, Sky ECC, gjykata franceze i ka pranuar si prova të mirëfillta.
Kanë kaluar dy muaj apo tre muaj dhe dje u kujtuan se ky problem ekziston. Merrni vesh ju tani çfarë organizate është Skapi. Për Pëllumb Gokën e Edi Ramës u kujtuan dje, ndërsa për këtë u kujtuan brenda një ore.
Pëllumb Gjokës iu dha mundësia që të zbrazte të gjitha llogaritë bankare. Kjo sekuestro iu vendos pasi zbrazi të gjitha llogaritë”, tha Berisha.