Hamasi ka dhënë miratimin fillestar për një armëpushim dhe një marrëveshje për lirimin e pengjeve në Gaza, tha Ministria e Jashtme e Katarit të enjten në mbrëmje.
Izraeli gjithashtu ra dakord me propozimin e rënë dakord në takimet e Parisit, shtoi Doha.
Hamasi nuk ka gjasa të refuzojë një propozim armëpushimi të Gazës që mori nga ndërmjetësit këtë javë, por nuk do ta nënshkruajë atë pa garanci se Izraeli është angazhuar për t’i dhënë fund luftës, tha të enjten një zyrtar palestinez i afërt me bisedimet.
Këtë javë, ndërmjetësuesit e Katarit i paraqitën Hamasit propozimin e parë konkret për një ndalim të zgjatur të luftimeve në Gaza, të rënë dakord me Izraelin dhe Shtetet e Bashkuara në takimet në Paris javën e kaluar. Hamasi tha se po studionte tekstin dhe po përgatitte një përgjigje.
Një zyrtar palestinez tha në Paris se faza e parë ishte parashikuar të zgjaste 40 ditë, gjatë së cilës luftimet do të pushonin ndërsa Hamasi liron civilët e mbetur në mesin e më shumë se 100 pengjeve që mban ende. Fazat e mëtejshme do të përfshijnë lirimin e ushtarëve izraelitë dhe dorëzimin e trupave të pengjeve të vdekur.
“Unë pres që Hamasi të mos e refuzojë propozimin, por mund të mos japë as pëlqimin vendimtar”, tha një zyrtar palestinez, duke folur në kushte anonimiteti.
“Në vend të kësaj, unë pres që ai të dërgojë një përgjigje pozitive dhe të konfirmojë kërkesat e tij: që marrëveshja të nënshkruhet, duhet të sigurojë që Izraeli të pranojë t’i japë fund luftës në Gaza dhe të tërhiqet plotësisht nga enklava”.
Deri më tani, i vetmi pushim në luftime, në fund të nëntorit, zgjati vetëm një javë.
Dallimi i madh mes dy palëve duket të jetë rreth asaj që do të pasonte pas një armëpushimi të rënë dakord. Kryeministri izraelit Benjamin Netanyahu është zotuar të mos tërheqë trupat derisa të arrijë “fitoren totale”, të cilën ai e përcakton si shkatërrim të Hamasit.
Hamasi thotë se nuk do të pajtohet me një armëpushim të përkohshëm nëse Izraeli nuk angazhohet për tërheqjen dhe përfundimin e përhershëm të luftës.
Në shenjë të seriozitetit të propozimit, udhëheqësi i Hamasit Ismail Haniyeh tha se do të udhëtonte në Kajro për ta diskutuar atë, megjithëse ende nuk është dhënë një datë e saktë për udhëtimin e tij, raporton Jerusalem Post.
