Këngëtarja e njohur Fatmira Breçani ka zbuluar disa detaje të reja nga dasma e Argitës, vajza e ish kryeministrit Sali Berisha ku ishte e ftuar të këndonte.
E ftuar në emisionin “E Diell”, Breçani ka zbuluar reagimin e Berishës kur këndonte. Ajo thotë se ish-kryetari i PD s’ka kërcyer, por muzikën e kënduar prej saj e ka shijuar në maksimum, kjo për faktin se ata janë miq shumë të mirë.
“Nuk ka kërcyer por e ka shijuar muzikën në maksimum. E kemi mik, tropojan e duam shumë dhe kemi respekt e ai kur se shijon këngën time të kujt do shijojë? Si tropojan që jemi”, tha Brecani në emisionin “E diell”.
Ndërsa për këndimin ndaj Enver Hoxhës, thotë: “Kur ka qenë Enveri s’ka pas shanse me u bë as mbrëmje as festë as dasmë pa u këndu e pa u hap me këngën Enver Hoxha e mprehu shpatën.
Tani s’jam duke e këndu, s’ke shanc me më fut me këndu, e kam këndu në atë kohë, të gjithë skemi pas ku shkojmë, por atëherë që e kemi kënduar kemi qenë të privilegjuar.
Por për Berishën kam kënduar me kënaqësi, është dhe një këngë festive me ritmin e valles së Tropojës dhe e kërcejnë të gjithë shqiptarët. Shiko, ke njerëz të marrosur pas Berishës, ke njerëz të marrosur pas Ramës, problemi është që duan dhe zërin tim.”
/faxweb
