Është duke u mbajtur në Gjykatën Kushtetuese seanca ku po shqyrtohet padia e Partisë Republikane, që të mos ketë kufizime për 10 persona, në tubimet që do të mbahen përgjatë fushatës zgjedhore. Në argumentimin e tij, përfaqësuesi i PR-së Dardan Mustafa tha se urdhëri i dhënë nga qeveria, me propozim të Komitetit Teknik i vë partitë në pozita jo të barabarta, pasi kryeministri dhe PS mund të zhvillojnë takime.
Dardan Mustafa përfaqësues i PR: Urdhri i vë Partitë Opozitare në pozita të pabarabarta. PS dhe kryeministri mund të zhvillojnë takime, ndërkohë që opozita jo. Nga mjetet e komunikimit në distancë opozita mund t’u drejtohet vetëm 72 për qind të qytetarëve, por kjo nuk është e njëjtë me takimet direkte që mund te zhvillojnë përfaqësuesit e partive me elektoratin. Disa Shtete në Amerikë lejojnë takime në vende të hapura duke ruajtur shëndetin e pjesëmarrësve
Gjyqtarja Elsa Toska relatore e çështjes: Në dijeninë tuaj mund të zhvillohen fushata me 10 persona?
Mustafa: Pavarësisht numrit të peesonave mbledhjet partiake janë të ndaluara.
Marsida Xhaferrllari: Urdhri që ju kundërshtoni është bazuar në vendimin e Komitetit Teknik. A mendoni se tubimet mund të zhvillohen online?
Mustafa: Tubimet nënkuptojne takimet mes palëve. Online mund të zhvillohen konferencat, tubimet janë tërësisht gjë tjetër.
Sonila Bejtja: Sa ka ndikuar shtrëngimi i masave tek ndikimi në elektorat?
Mustafa: Masat na kanë kufizuar për të takuar elektoralin. Duke qenë në prag të zgjedhjeve parlamentare , kjo situatë krijon pabarazi. Natyra e urdhërit është e tillë që të ndikojë kapacitetin për zhvillimin e fushatës. Fjala tubim është takim fizik.
GJK: A keni marrë leje para organeve kompetente, si ka qenë praktika e punës gjatë këtyre takimeve? në kohën që ka dalë urdhëri i ministrisë shëndetesise a kishte dalë data e zgjedhjeve?
Mustafa: Ne po përdorim rrjetet sociale kryesisht facebook, nuk ka asnjë masë konkrete, aktualisht nuk kemi dijeni që të jenë marrë masa.
GJK: A keni dijeni çfarë masash janë marrë për të inkurajuar publikun për lirinë e shprehjes se qytetarëve në zgjedhje?
PR: Po kemi kërkuar
GJK: Ju thatë që ndalohen tubimet mbi 10 persona, por ndërkohë thoni që nuk ndalohen grumbullimet e zakonshme, një interpretim se si keni dalë në këtë rezultate. Pra keni konstatuar ulje të presioneve gjatë fushatës? Si bëhet divulgimi i fushatës në media?
Përfaqësuesi i Ministrisë së Shëndetësisë: Nuk ka privilegje siç pretendohet nga PR. Ndërmarrja e këtyre aktiviteteve rrezikon jetën. Kufizimet janë në përputhshmëri me ligjin për mbrojtjen e popullit në rast pandemie.
Vijon…
/faxweb
