Keni fryrje dhe gazra? Nuk jeni vetëm. Ne të gjithë kalojmë gazra, mesatarisht 13 deri në 21 herë në ditë.
Fryrja është një proces natyror i gazit që kalon nëpër zorrët tuaja. Dietologët shpjegojnë se nuk duhet të ndihemi të turpëruar, pasi kalimi i gazrave është në të vërtetë i dobishëm për shëndetin tonë. Ato shpejgojnë: “Ndërsa trupi shpërbën ushqimin, prodhon gazra dhe gëlltitja mund të çojë në akumulimin e ajrit. Gazrat dhe gromësira janë mënyrat e zgjuara të trupit për të hequr qafe këtë ajër dhe gaz të tepërt, duke parandaluar fryrjen dhe parehatinë.”
Hulumtimet kanë zbuluar se mikrobiota e zorrëve prodhon 0,2 deri në 1,5 litra gaz në ditë ndërsa ushqimi metabolizohet. Mikrobiota e çdo personi është unike dhe përbëhet nga triliona baktere. Shëndeti i zorrëve dhe ajo që hani mund të ndikojë në sasinë e gazit që formohet.
Sipas dietologëve, “Ka pak ose aspak prova shkencore që sugjerojnë se proteina rrit prodhimin e gazit. Ndërsa vetë proteina nuk është përgjegjëse për gazin, shumë ushqime të pasura me proteina kanë komponime të tjera që mund të rrisin gazin. Laktoza në produktet e qumështit, karbohidratet më të vështira për t’u tretur në fasule dhe bizele mund të rrisin gazrat dhe fryrjen e barkut.”
Një nga mënyrat më të mira dhe natyrale për të larguar këtë problem një herë e mirë është sigurisht kujdesi ndaj ushqimit. Ka disa ushqime të cilat e ndihmojnë trupin të kryejë si duhet proçeset e tij, duke parandaluar kështu fryrjen. Zakonisht ky reagim i trupit ndodh nga mos tretja si duhet e ushqimeve, prandaj gjithnjë sigurohuni të zgjidhni të duhurat.
Kastraveci
Kastraveci rekomandohet shumë pasi ka veti të mbledhë toksinat e trupit dhe t’i nxjerrë jashtë ato për shkak se përmban sasi të mëdha uji.
Kalium
Ushqimet e pasura me kalium siç janë bananet, portokalli, avokado, stikat apo kivi ndihmojnë në shfryrjen e trupit dhe nxjerrjen jashtë të kriprave të tepërta.
Ananas
Ananasi përmban disa vitamina dhe minerale të cilat ndihmojnë në parandalimin e inflamacionit dhe tretjes së mirë.
Probiotikët
Probiotikët që gjenden tek kosi, qumështi apo djathi ndihmojnë tretjen e mirë dhe nxjerrjen jashtë trupit toksinat e këqija.
Gatimi i perimeve
Ky është një hap shumë i rëndësishëm, perimet kur konsumohen të pa gatuara shpesh shkaktojnë gazra dhe fryrje të zonës së barkut. Megjithëse perimet i japin vlerat e tyre më të mëdha kur janë sapo të këputura nga degët dhe të konsumohen ashtu siç janë. Për të evituar fryrjen e barkut mundohuni t’i gatuani ato para se t’i konsumoni. Kjo e mesme e artë do t’ju ndihmojë të keni një bark të sheshtë dhe të shpëtoni nga fryrja.
Konsumoni shumë erëza
Fusni shumë erëza në dietën tuaj të përditëshme pasi ndihmojnë në tretjen e mirë duke parandaluar fryrjen. Këtu përfshihet xhinxheri, kanellea, borziloku, rigoni, nenexhiku, rozmarina apo kopra. Përdorini këto erëza si zakonisht në vaktet apo ushqimet tuaja për të përfituar një bark të sheshtë dhe shumë shije. Mund të zgjidhni të bëni edhe ndonjë çaj bimor me këto erëza sipas dëshirës tuaj. Përmendim këtu çajin me xhinxher apo atë me nenexhik.
Shmangni ushqimet problematike
Ka disa ushqime të caktuara që njihen për efektet anësore që i shkaktojnë organizmit, një ndër to është edhe fryrja e barkut. Megjithëse mund të jenë të shëndetëshme shumë fruta apo perime, pasi shkaktojnë vështirësi në tretje. Këtu përmendim brokolit, lulelakër, bishatajorët, mollët, dardhat apo pjeshkat. Bëni kujdes me ushqimet e skuqura, të konservuara apo të proçesuara pasi jo vetëm që ndikojnë për keq sistemin tretës, por edhe ju bëjnë të shtoni në peshë.
