Drejtori i Përgjithëm i Policisë së Shtetit, Ilir Proda ka deklaruar se uniformat blu janë përfshirë në operacionin e goditjes së grupit të fuqishëm kriminal të trafikut të drogës, me bazë në Durrës, vetëm ditën e djeshme.
Kryepolici theksoi se nuk ka pasur mbikëqyrje të fshehtë fizike apo vëzhgim asnjë personazh të këtij grupi kriminal.
Ndërsa pyetjes nëse ka pasur dekonspirim të operacionit u shpreh se “s’ka pasur probleme”.
“Policia e Shtetit është përfshirë vetëm dje në fazën e ekzekutimin e vendimeve penale dhe nuk ka pasur mbikëqyrje të fshehtë fizike apo vëzhgim asnjë personazh të këtij grupi kriminal.
Sa i përket pjesës së dekonspirimit për mua nuk ka pasur asnjë problem”, tha Ilir Proda në konferencë.
