Skip to content

Abazoviç hedh firmën “aty ku s’duhej”

Ndajeni këtë artikull me të tjerë duke klikuar ikonat më poshtë

Është nënshkruar Marrëveshja Themelore ndërmjet Qeverisë së Malit të Zi dhe KPS-së

Kontrata është nënshkruar nga kryeministri i Malit të Zi, Dritan Abazoviq dhe patriarku i Kishës Ortodokse Serbe, Porfirije.

Kryeministri shqiptar i Malit të Zi, Dritan Abazoviç, e bëri realitet atë hap që mund t’i shkaktojë rrëzimin.

Ai firmosi marrëveshjen e përfolur me Kishën Serbe, një akt që kundërshtohet forta nga fryma anti-serbe në politikën dhe opinionin malazez.

Marrëveshja Themelore ndërmjet Qeverisë së Malit të Zi dhe Kishës Ortodokse Serbe (KPS) është nënshkruar mëngjesin e sotëm në Podgoricë, raporton Beta.

Marrëveshja është nënshkruar nga kryeministri i Malit të Zi, Dritan Abazoviç dhe patriarku i Kishës Ortodokse Serbe, Porfirije.

Patriarku erdhi në kryeqytetin e Malit të Zi mëngjesin e sotëm.

Në foton që Abazoviç ka postuar në Telegram, shihet se në ceremoninë e nënshkrimit kanë marrë pjesë edhe ministri i Drejtësisë së Malit të Zi Marko Kovaç dhe Mitropoliti i Malit të Zi dhe Bregdetit Joanikije.

Disa dhjetëra qytetarë protestuan kundër nënshkrimit të kontratës në afërsi të Vilës Goricës, ku edhe ishte mbajtur, njofton Podgorica Vijesti.

Ministri i Drejtësisë, Marko Kovaç, mbrëmë ishte mysafir në Dnevnik të TVCG-së, i cili tha se nuk sheh nevojë të ndryshohet asgjë në tekstin e Marrëveshjes Themelore, e cila më herët është miratuar nga qeveria.

Ndajeni këtë artikull me të tjerë duke klikuar ikonat më poshtë