Drejtori i Komunikimit në PD, Alfred Lela ka reaguar pas përplasjeve të Adriatik Lapajt dhe mbështetësve të tij sot pasdite me policinë para kryeministrisë.
Ata pretendojnë duke iu drejtuar policisë se pas tyre fshihet urdhri i kryeministrit Rama dhe faktit se sot pasdite mban foltoren e radhës Partia Demorkatike, pikerisht para kryeministrisë.
Në një postim në rrjetet sociale, Lela sqaron se jo më larg se sot paradite i ka shkruar Lapajt para se t’i faturojë Berishës dhe PD dhunën e Policisë dhe se e kishte derën hapur të fliste në Foltoren e PD.
Reagimi i plotë:
Adriatik, mos e qelb edhe ti, si aleati-armik Enxiu Shabani!
Bullshit!
Adriatik Lapajt i kam shkruar sot paradite ‘të më telefonojë kur të ketë mundësi’. T’ua tregojë mesazhet mbështetësve të tij, para se t’i ndërsejë për t’ia faturuar Berishës dhe PD dhunën e Policisë.
I shkrova, jo për mall, por se kisha porosi nga Sali Berisha që, po të donte, e kishte derën hapur të fliste në Foltoren tonë.
Nuk më mori dhe as më shkroi.
Tani me duket se e kuptoj psenë.
Kërkon një akt martirizimi dhe heroizimi.
Me kete rast sakaton edhe të vërtetën.
I lutem të mos bëhet si ‘vëllami politik’ i 11 majit, Enxiu Shabani.
Sidoqoftë, më vjen keq për forcën policore të përdorur në dy raste ndaj mbështetësve të tij. Eshtë qesharake të mos lejosh protesta para një institucioni, kur para Shtëpisë së Bardhë ka, çdo ditë të Zotit, disa protesta, ndonjëra edhe e përhershme. Askush nuk i shtyn dhe as pengon.
Që të ndërtosh skenarë me dhune të porositur nga opozita kryesore, është lojë bërrylash për protagonizëm, jo opozitarizëm.
Gjithashtu, gjë e pashije…
LEXO EDHE: VIDEO/ Përplasje para Kryeministrisë! “I thyet këmbën, është me zemër”, mbërrin ambulanca