Turqia është gati për hapjen e aeroportit të tretë të Stambollit, ku pritet të marrin pjesë më shumë se 50 udhëheqës të huaj.
Faza e parë e 6 miliardë eurove, e cila u ndërtua për gati tre vjet nëpërmjet modelit të partneritetit publik-privat (PPP), është midis një sërë mega-projektesh të 20 viteve të ardhshme.
Aeroporti i ri i Stambollit, në brigjet e Detit të Zi, do t’u shërbejë 90 milionë pasagjerëve në vit në fazën e tij të parë.
“Ky aeroport do të jetë qendra më e rëndësishme midis Azisë dhe Evropës”, u tha gazetarëve Kadri Samsunlu, kreu i IGA, kontraktori dhe operatori i projektit.
Erdogan pritet të njoftojë emrin zyrtar të aeroportit të ri, pjesë e planit të tij për ta transformuar Turqinë në një lojtar global.
Me kapacitet të plotë, aeroporti i ri i Stambollit do të bëhet një qendër globale e aviacionit duke pritur më shumë se 100 linja ajrore dhe fluturime në mbi 300 destinacione në mbarë botën.
