Deputetja e Partisë Demokratike, Jorida Tabaku është shprehur se shteti është vendosur në shërbim të biznesmenëve të inceneratorëve.
Duke folur për aferën e inceneratorëve, Tabaku theksoi në Komisionin e Ekonomisë, se “qeveria ka dërguar ligjet dhe shkresat për t’u shkruar nga Klodian Zoto dhe Mirel Mërtiri”, duke e konsideruar një kapje të shtetit.
Jorida Tabaku: Kohët e fundit, ka dalë një diskutim për kapjen e shtetit. Se si ligjet shkruhen në zyra biznesmenësh, se si i gjithë shteti shqiptar është në shërbim të atyre që sot përfitojnë. Se si ligjet shkruhen në zyra biznesmenësh.
Se si e gjithë administrata shqiptare, shkruan shkresa i shkojnë bizneseve edhe ato japin përgjigjet. dhe se si vendimet e Këshillit Bashkiak shkruhen në zyra biznesesh. Kjo është kapja e shteti! Se ne pyesim çfarë është kapja e shtetit? Ja kjo është kapja e shtetit!
Nuk ka gjë më të rëndë se sa ligje që shkruhen me porosi pasi kjo është kapja e shtetit.
Meqënëse kemi këtu përfaqësues të Ministrisë së Financave dua të japë vlerësimin tim për përfaqësues të kësaj ministrie që i kanë qëndruar fort ligjit. Inkurojohesh kur sheh që ka punonjës shteti që i qëndrojnë ligjit dhe nuk janë të gjithë njësoj.
Z. Yzeiri se ke qenë dhe në opozitë. Por, dua të falenderoj drejtoreshën e përgjithshme të buxhetit dhe ish ministrin e financave z. Cani që i kanë qëndruar fort çështjes së inceneratorëve deri në momentin e fundit ku gjithë pjesa e mbetur e qeverisë i çonte ligjet e shtetit dhe shkresat e shtetit për t’u shkruar nga Klodian Zoto dhe Mirel Mërtiri.
