Skip to content

Afrika e Jugut: arrestime pas tetë modeleve të përdhunuara në grup

Ndajeni këtë artikull me të tjerë duke klikuar ikonat më poshtë

Më shumë se 80 persona dolën në gjykatë dje pasi tetë modele u përdhunuan në grup me armë nga një bandë e armatosur teksa filmonin një video muzikore pranë një miniere të paligjshme ari në Afrikën e Jugut.

Krimi ndodhi teksa grupi i produksionit po filmonte videon pranë Ëest Village, pranë Johanesburgut më 28 korrik.

Modelet dhe ekuipazhi u përdhunuan deri në dhjetë herë secila, me viktimën më të re 19 vjeç dhe më të vjetër 37.

Incidenti ka tronditur Afrikën e Jugut, e cila ka një nga nivelet më të larta të krimit dhe shkallën e tretë më të lartë të përdhunimeve në botë, dhe ka pasur thirrje të reja për kastrimin kimik të përdhunuesve të dënuar.

Policia fajësoi emigrantët e paligjshëm që punonin në miniera – të njohur në vend si Zama Zama – dhe arrestoi 84 persona gjatë një bastisjeje në zonë.

Dy të dyshuar të tjerë u vranë në një shkëmbim zjarri me policinë dhe një i tretë u plagos dhe u dërgua në një spital lokal, tha policia.

Të hënën, të arrestuarit filluan të dalin para gjykatës me akuzën e hyrjes së paligjshme në vend dhe posedimit të pasurive të vjedhura, ndërsa sipas shefit të policisë është ende e paqartë nëse të dyshuarit kanë lidhje me përdhunimin.

Ndajeni këtë artikull me të tjerë duke klikuar ikonat më poshtë