Kandidati për anëtar në Këshillin Bashkiak të Tiranës Genci Gjokutaj është i mendimit se në kryeqytet ka frymë për ndryshim.
Nga studio e Quo Vadis, ai tha se ahengu i Ramës nuk u shërben njerëzve.
Sipas tij qytetarët duan alternativë për të ardhmen dhe të dinë se u u kanë shkuar fondet e tyre.
Është pak herët dy javë për të dhënë një parashikim. Fakti është që nëse do e ndjekim, një sy i vëmendshëm i dekripton situatën, duke parë vetëm fushatat, kush paraqet alternativën dhe kush bën aheng. Për një kryetar bashkie në Tiranë që nuk kërkohet asnjë e dhënë se çfarë buxheti ka shfrytëzuar dhe çfarë produkti ka. Sepse kjo është thelbi i gjithë fushatës. Por ne diskutojmë dhe anatemojmë pritshmërinë duke mos diagnostikuar të shkuarën. Ky është thelbi i fushatës, njerëzit të dinë se ku kanë vajtur fondet e tyre. Flas për Tiranën, sepse rrethet nuk i njoh në terren. Është mirë kur bën për qytetin tënd, të jep kënaqësi, por kjo bëhet sipas standardeve.
