Katër të rinj shqiptarë janë përfshirë në një aksident të rëndë në Itali. Ngjarja ndodhi dje rreth orës 19:30 në rrugën Martano-Otranto.
Mediat italiane raportojnë se në aksident janë përfshirë dy automjete, ku në njërën ishin 4 shqiptarët, të gjithë nga 20 vjeç dhe në mjetin tjetër një grua.
‘Leccenews24.it’ shkruan se dy nga të plagosurit ndodhen në gjendje të rëndë për jetën. Deri më tani nuk dihen rrethanat e ngjarjes në fjalë si dhe identiteti i të plagosurve.
(ed.me/BalkanWeb)