Një aksident ka ndodhur në autostradën që lidh Rrogozhinën me Lushnjën. Në aksident janë përfshirë 3 mjete dhe për pasojë kanë mbetur të lënduar dy persona.
Mësohet se si pasojë e përplasjes, një nga mjetet, ka humbur kontrollin dhe ka goditur tabelën elektronike të një karburanti.
Për shkak të aksidentit, drejtuesi i mjetit dhe një pasagjer kanë marrë lëndime dhe janë nën kujdesin e mjekëve në Spitalin e Lushnjës.
Nuk ka pasur persona të lënduar në makinat e tjera të përfshira në aksident.
Nga hetimet parapake, shkak për aksidentin dyshohet se ka qenë shpejtësia e lartë dhe manovrat e gabuara në parakalim.
Policia dhe grupi hetimor ndodhen në vendngjarje për sqarimin e rrethanave të aksidentit
