Një aksident me pasojë vdekjen e një personi ka ndodhur pasditen e sotme në Fushë Dukat të Vlorës.
Një 25-vjeçar nga Korça ka qenë duke drejtuar automjetin tip Seat kur ka humbur kontrollin dhe është përplasur me murin anësor të rrugës.
“Rreth orës 16:00, në aksin rrugorë pranë fshatit Fushë Dukat, shtetasi R. Sh., 25 vjeç, banues në Korçë duke drejtuar automjetin tip Seat shoqëruar me dy pasagjerë të tjerë, ka humbur kontrollin e mjetit dhe është përplasur me murin anësor të rrugës.
Si pasojë e përplasjes drejtuesi 25 vjeçar ka marrë dëmtime të rënda dhe është transportuar në Spitalin e Vlorës, ku më pas ka ndërruar jetë.
Dy pasagjerët e tjerë ndodhen jashtë rrezikut për jetën”, njofton policia.