Një aksident ka ndodhur sot pasdite në aksin Lezhë-Milot, ku një automjet tip “Peugeot” me drejtues një shtetas me banim në Gjermani përplasi motoçikletën me drejtues shtetasin F.P.
Drejtuesi i motoçikletës ka marrë dëmtime dhe është transportuar në spitalin Rajonal Lezhë, pa probleme për jetën.
Drejtuesi i automjetit është shoqëruar në ambientet e Komisariatit të Policisë Lezhë, për veprime të mëtejshme.
NJOFTIMI I POLICISË
Rreth orës 17:15 , në aksin rrugor Lezhë-Milot, në fshatin Markatomaj, automjeti tip” Pegeot” me drejtues shtetasin L.H., banues në Gjermani është përplasur me motoçikletën me drejtues shtetasin F.P., i cili ka marrë dëmtime dhe është transportuar në spitalin Rajonal Lezhë, pa probleme për jetën.
Drejtuesi i automjetit është shoqëruar në ambientet e Komisariatit të Policisë Lezhë, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
