Një aksident ka ndodhur në orët e para të mëngjesit pranë fshatit Markatomaj, përgjatë superstradës Lezhë–Milot.
Në këtë aksident janë përfshirë dy automjete dhe një motoçikletë. Si pasojë e përplasjes, drejtuesi i motoçikletës ka mbetur i plagosur rëndë dhe është dërguar me urgjencë në Spitalin e Traumës për ndihmë mjekësore.
Policia ndodhet në vendngjarje dhe ka nisur hetimet për sqarimin e shkaqeve dhe rrethanave të aksidentit.