Aksident te vijat e bardha në Berat, motomjeti hyn në trotuar dhe merr zvarrë kalimtarin. Dy të plagosur rëndë nisen me urgjencë drejt Traumës

index 2

Ndajeni këtë artikull me të tjerë duke klikuar ikonat më poshtë

Një aksident i rëndë është regjistruar pak minuta më parë në lagjen “Çelepias” në Berat,në vendin e quajtur rreth-rrotullimi i Ypsilonit. Një motomjet me 4 rrota që ka qënë duke qarkulluar me shpejtësi,ka humbur kontrrollin dhe ka hipur mbi trotuarin në anë të rrugës duke goditur e marrë zvarrë një kalimtar të rastit.

Si pasojë e aksidentit,janë plagosur rëndë: kalimtari F.S. dhe drejtuesi i motomjetit Sh. P. Të dy të plagosurit janë transportuar fillimisht drejt Spitalit Rajonal Berat por për shkak të plagëve të shumta dhe gjendjes së tyre të rënduar, ata janë transportuar me ambulanca drejt Spitalit të Traumës në Tiranë.

Në vendngjarje kanë shkuar forca të shumta policie,që janë duke kryer edhe matjet në vendnngjarje për të zbuluar shkaqet dhe dinamikën e aksidentit të rëndë,që paraprakisht mendohet të jetë shkaktuar si pasojë e shpejtësisë me të cilën po qarkullonte motomjeti në hyrje të rreth-rrotullimit të Ypsilonit.

index 2

Ndajeni këtë artikull me të tjerë duke klikuar ikonat më poshtë