Një aksident i rëndë rrugor u shënua mëngjesin e kësaj të martën në aksin rural Samurr-Qafë Mollë në Elbasan.
Ngjarja ndodhi rreth orës 09:15, kur një automjet tip “benz” me të cilin po udhëtonin katër persona humbi kontrollin dhe doli nga rruga. Mjeti ra nga një lartësi prej afro 90 metrash, ndërsa gjeti vdekje në vend drejtuesi, Besnik Samurri, 38-vjeç.
Nga goditja e fortë, morën plagë të shumta edhe tre pasagjerët. Ishin banorët e zonës ata që ndërhynë dhe bën të mundur nxjerrjen e të plagosurve.
Për shkak të terrenit të thyer, të lënduarit u nxorën me mjete rrethanore, ndërsa u transportuan më pas drejt spitalit të Elbasanit për ndihmë mjekësore.
Shkak për aksidentin dyshohet se u bë shpejtësia e lartë.
Elbasan/Informacion paraprak
Më datë 20.12.2022, rreth orës 9:15, në aksin rrugor Samurr-Qafë Mollë, shtetasi B. S., duke drejtuar automjetin tip “Benz”, dyshohet se ka humbur kontrollin dhe për pasojë automjeti ka dalë nga rruga.
Si pasojë, ka humbur jetën drejtuesi i automjetit, shtetasi B. S., 38 vjeç, si dhe janë dëmtuar 3 pasagjerët, shtetasit M. M., F. M. dhe B. M., të cilët u dërguan në spital, për të marrë ndihmë mjekësore.
Grupi hetimor ndodhet në vendngjarje dhe po punon për zbardhjen e shkakut të aksidentit.
