Mëngjesin e kësaj të shtune po përcillet në banesën e fundit 23-vjeçarja shqiptare që ndërroi jetë në aksidentit tragjik në Larisa. Ceremonia mortore po bëhet në kishën e Shenjtë të Pjetrit dhe Palit në Giannica, ku të afërm e familjarë po i japin lamtumirën e fundit 23-vjeçares Ifigenia Mitska.
Familja dhe shoqëria e saj janë të zhytur në zi dhe dhimbje, teksa shumë njerëz janë solidarizuar dhe ndodhen në tempull për të nderuar kujtimin e saj.
Ifigenia Mitska ishte në vagonin 3 të trenit Intercity 62 dhe po kthehej me partnerin e saj nga Athina, ku kishin shkuar për të festuar.
Familja e të ndjerës pret një falje për dhimbjen e shkaktuar, raportohet të ketë thënë avokati.
“Sot është një moment shumë i vështirë për familjen e 23-vjeçares Ifigenia Mitska, në orën 11:00 varrimi i saj bëhet në Giannica”, deklaroi ai. “Ne kemi besim te drejtësia greke, jemi të sigurt që përgjegjësitë do të marrin atë që meritojnë. Familjet e viktimave presin një falje të sinqertë të cilën nuk e kanë dëgjuar”, shtoi ai.
Këtë të shtunë pritet përballja me drejtësinë e shefit të stacionit, i cili dyshohet se është përgjegjësi kryesor i kësaj tragjedie.
