Një aksidenti tragjik ndodhi mbrëmjen e sotme (17 mars) në aksin Tepelenë – Memaliaj, ku u përfshinë tre automjete dhe humbën jetën 4 persona, e dy të tjerë u lënduan.
Pas ngjarjes së rëndë me anë të një postimi në rrjetet sociale ka reaguar ministri i Brendshëm, Taulant Balla, i cili shprehet i pikëlluar për humbjen e jetëve, ndërsa shton se zbatimi i rregullave të qarkullimit rrugor nga përdoruesit e rrugës është një detyrim ligjor, e përgjegjësi ndaj jetës.
LEXO EDHE: Aksidenti i trefishtë në Tepelenë, reagon policia: Katër persona kanë humbur jetën dhe dy të tjerë janë plagosur
Ai shton se Policia Rrugore duhet të rrisë dhe më shumë kontrollet dhe forcën parandaluese.
Postimi i Ballës:
I pikëlluar për humbjen e katër jetëve dhe dy të plagosur në aksidentin tragjik të natës së sotme pranë Tepelenës.
LEXO EDHE: FOTO/ Makinat e bëra “copë” pas përplasjes, pamje nga aksidenti me katër viktima dhe disa të plagosur në Tepelenë
Zbatimi i rregullave të qarkullimit rrugor nga përdoruesit e rrugës është detyrim ligjor e përgjegjësi ndaj jetës. Ndërsa Policia Rrugore duhet të rrisë edhe më shumë kontrollet dhe forcën parandaluese.
Njoftimi i policisë:
Rreth orës 19:00, në aksin rrugor Tepelenë-Memaliaj, janë përfshirë në aksident rrugor 3 automjete.
Si pasojë e përplasjes së automjeteve kanë humbur jetën 4 shtetas ende të paidentifikuar dhe janë dëmtuar 2 shtetas të tjerë të cilët janë dërguar për ndihmë mjekësore në Spitalin Rajonal Gjirokastër.
Grupi hetimor po punon për sqarimin e rrethanave dhe shkakut të aksidentit.
