Një autobus me pasagjerë,i linjës Skrapar-Tiranë,është aksidentuar rreth orës 07:00 të mëngjesit të sotëm. Ngjarja ka ndodhur në afërsi të rreth rrotullimit të Poshnjes në Urë-Vajgurore.
Mësohet se autobusi ka devijuar nga rruga për shkak të një frenimi të fortë pasi i ka dalë një fëmijë përpara dhe i ndikuar edhe nga lagështira dhe përfundon në kanal. Nuk ka të lënduar nga pasagjerët. Nga aksidenti nuk ka pasur të lënduar mes pasagjerëve.
Ata kanë dalë nga mjeti dhe janë larguar me makina të tjera drejt destinacioneve për ku ishin nisur, ndërkohë që në vendngjarje ndodhet vetëm drejtuesi i mjetit që shkaktoi aksidentin, i cili do të shoqërohet nga policia për të dhënë deklarimet në lidhje me këtë ngjarje.
Në vendngjarje kanë shkuar ekspertë të policisë rrugore që po punojnë për zbardhjen e plotë të shkaqeve të aksidentit. Sipas policisë,aksidenti ka ndodhur për shkak të lagështirës dhe frenimit të detyruar të autobuzit me targë AA 745 EL.
