Kryeministri Rama iu përgjigj akuzave të PD në lidhje me nismen e tij që detyron individe që të mos i marrin qirate mujore bizneseve të vogla të dëmtuara nga mbyllja e punës .
Kreu I qeverisë nuk kursen ironinë ndaj selisë blu, duke shprehur madje në mënyrën e ti habinë se përse Zoti, nuk ua ushqen fare vajin e kandilit të trurit as në këtë kohë të errët.
Ndërkohë që kam publikuar parimin e nismës së Aktit Normativ mbi pagesat e qerave të të dëmtuarve rëndë nga lufta që kanë humbur momentalisht aftësinë paguese dhe janë nën lloj-lloj presionesh, deri edhe të rënda nga qeradhënës të caktuar, shoh që ende pa dalë akti PD-ja është lëshuar siç di vetë kur prek majën e dëshpërimit! Sa gjynah që janë, nuk e gjej dot pse Zoti nuk ua ushqen fare vajin e kandilit të trurit as në këtë kohë të errët, po nuk kemi ç’bëjmë!
Rama më pas u ndal sërish tek nisma e fundit për të lehtësuar bizneset nga pagesa e qerasë. Ai shkruan se për këtë gjë po bëhet gati akti normativ qe eshte kaq i drejte, sipas tij, me ligj e me zakon.
Akti Normativ po bëhet gati. Sonte do kem mundësinë t’ju shpjegoj edhe qeramarrësve më hallexhinj, edhe qeradhënësve në hallin e tyre, edhe të gjithë të tjerëve me hallet përkatëse të kohës që jetojmë, se sa i drejtë është ky Akt Normativ, me ligj e me zakon, e se sa e fajshme është në mes të luftës kjo kundërvënie e verbër e një çete vulëhumburish (pa din, pa iman e pa asnjë hall tjetër veç ëndrrës së tyre në beze), ndaj njerëzve më në hall të kësaj lufte!
