Aktivisti nga “Qëndresa qytetare” Rigels Xhemollari ka komentuar shkeljet e Kodit Zgjedhor përgjatë fushatës për zgjedhjet e 14 Majit.
Gjatë një interviste në Panorama TV ai komentoi aktivitetin me makinat Retro në Dibër ku fushata e PS, drejtohet nga zv kryeministrja Belinda Balluku. Ai tha se postimet e Ballukut ishin tërësisht elektorale dhe Blendi Gonxhe duhet të ndëshkohet për shkak se mban një post të lartë publik.
“Viti paraelektoral është karakterizuar nga fryrja e administratës dhe tenderat elektoralë që përdoren në funksion të fushatës. Ne po përgatitim një dosje të plotë për fushatën zgjedhore dhe do ia vendosim në dispozicion SPAK-ut.
Ministrat janë falur. Janë kallëzuar shumë herë. Ose janë falur ose janë gjobitur 2500 lekë të reja. Është vazhdim i të gjithë veprimtarisë që ministret përdorin çdo aset që kanë në dispozicion. Shkelja ishte angazhimi i drejtorit të Transporteve zotit Blendi Gonxhe Postimet e zonjës Balluku ishin tërësisht elektorale dh duhet të ketë një lloj ndëshkimi ndaj zotit Gonxhe pasi mban një post të lartë publik”, tha ai.