Për Shegushe Bebetin, ditëlindja e 60 rezulton ndër më të bukurat. Për 40 vite ajo ka jetësuar personazhe të dashur për fëmijët. Ndërsa, kësaj here fëmijët i uruan ditën e lindjes. Tashmë kjo skenë është dashuri pa kushte për të. Personazhet e realizuar prej saj janë të shumta dhe teksa shtegtojmë në ambientin e saj më të dashur Teatrin e Kukullave ajo rrëfen disa prej tyre.
Megjithëse e ka të vështirë të ndaj rolet, njëri është më i veçanti, Pinoku, i cili e kas shoqëruar për 25 vite. Shegushe Bebetit i kanë mbetur edhe pak vite në skenë. Ajo ndihet shpresëplotë për të rinjtë.
Ndërkohë që së shpejti do të nisë edhe festivali ndërkombëtar i kukullave, ku Shegushe Bebeti është drejtore artistike dhe e cilëson si shans i mire për t’u njohur me tendencat më të fundit bashkëkohore në botë.
