Pezullohen nga detyra dy drejtuesit e komisariatit të Devollit, konkretisht shefi i komisariatit Besim Palamani, dhe shefi i rendit Admir Belisht.
Burime konfirmojnë se dy drejtuesit akuzohen për “shpërdorim detyre”.
Ata kanë qenë në përgjim për më tepër se 3 muaj, dhe dyshohet se kanë lejuar prerjen e paligjshme të pyjeve si edhe transportimin e tyre nga disa shtetas.
Çështja po shqyrtohet në prokurorinë e rrethit gjyqësor Korccë për veprime të mëtejshme, në bashkëpunim me Agjencinë e Mbikqyrjes Policore.
Kohë më parë nga ky komisariat nga drejtori i përgjithshëm është larguar nga policia e shtetit edhe shefi i krimeve Pashk Syziu.
