Gjykata e Lezhës vendosi masën e sigurisë “arrest me burg” për Aleksandër Përdodën, autori i dyshuar i vrasjes së dyfishtë në fshatin, Lalm i Vjetër.
Përdoda, 40-vjeç akuzohet si autor i dyshuar për vrasjen e rapsodit të njohur Kol Murrani dhe Preng Simoni.
Përdoda rezulton person me precedent të mëparshëm kriminal në fushën e krimeve ndaj personit.
Po në lidhje me vrasjen e dyfishtë të Kol Murranit dhe Preng Simonit është shpallur në kërkim edhe vëllai i autorit të dyshuar, shtetasi Edmond Përdoda, i cili dyshohet se ka ndihmuar të vëllanë për fshehjen e provave.
