Kreu i Lëvizjes së Vetëvendosjes Albin Kurti do të kryejë një vizitë zyrtare në Shqipëri të martën e 11 shkurtit, për herë të parë si Kryeministër i Kosovës.
Pritet që Kurti në Tiranë të zhvillojë takime me përfaqësuesit e lartë të institucioneve shtetërore.
Që prej momentit të marrjes së detyrës si Kryeministri i Kosovës, Kurti viziton për herë të parë Shqipërinë.
Albin Kurti ka marrë më datë 3 shkurt besimin e 86 deputetëve për krijimin e qeverisë së re. Kuvendi i Kosovës ka votuar qeverinë e re dhe tashmë vendi do ketë institucionet funksionale që janë pritur prej datës 6 tetor.
Pas votimit të qeverisë së re Kurti bëri betimin para deputetëve dhe tha se ai do dëgjonte çdo qytetar. Opozita braktisi sallës pas votimit të kabinetit të ri.