Kreu i SPAK, Altin Dumani konfirmoi se grupet kriminale shqiptare janë prezente në vendet e Amerikës Latine, konkretisht në Ekuador.
Në fjalën e tij në Komisionin e Monitorimit të AP të Këshillit të Europës, Dumani tha se SPAK ka një bashkëpunim të mirë me autoritetet e Ekuadorit.
“Sa i takon Ekuadorit, kemi konstatuar në hetimet tona që grupet e krimit shqiptar janë prezente në Ekuador. Kemi një bashkëpunim të mirë me autoritetet në Ekuador. Vetëm në 2024 kemi konsoliduar një marrëdhënie bashkëpunimi me autoritetet e Ekuadorit”., tha Dumani.
Altin Dumani: Kemi ndihmuar autoritetet e Ekuadorit në hetimet që ata po bëjë ndaj grupeve kriminale shqiptare, siç po hetojmë bashkërisht në drejtim të grupeve kriminale shqiptare.
Patjetër, bashkëpunimi me Ekuadorin dhe vendet e tjera të Amerikës Latine është i vështirë, por ne si SPAK ia kemi dalë të kemi kontakte, të shkëmbejmë informacione dhe të ndërtojmë hetime kundër grupeve kriminale shqiptare. Këtë e kemi bërë me shumë shtete të Amerikës Latine. E kemi bërë me Brazilin, Argjentinën, Kolumbinë dhe vende të tjera ku ka grupe të krimit të organizuar shqiptar.
