Ambasadori britanik në Shqipëri, Duncan Norman, ka zhvilluar ditën e sotme një takim me shefen e Byrosë Kombëtare të Hetimit, ndërsa përmes një postimi në Twitter shkruan se krijimi i këtij institucioni është lajm i keq për ata që injorojnë dhe mburren para ligjit.
“Takim i mirë me Drejtorin e Byrosë Kombëtare të Hetimit, Aida Hajnaj. Krijimi i Byrosë Kombëtare të Hetimit është progres i prekshëm për Reformën në Drejtësisë, pavarësinë e gjyqësorit, luftën kundër korrupsionit dhe lajm i keq për ata që mburren para ligjit” shkruan ai.
Duncan Norman është ambasadori në largim, teksa vendin e tij në Shqipëri do ta zërë Alastair King-Smith.
