Ambasadori i Bashkimit Europian Luigi Soreca, fundjavën ka zgjedhur që ta kalojë larg zhurmës së kryeqytetit duke u zhvendosur në kanionet e Osumit për të njohur bukuritë shqiptare.
Përmes një postimi i profilin e tij, diplomati i BE-së, shkruan se kanionet janë një thesar i çmuar që duhet të mbrohen.
“Marshimi në kanionin e Osumit është një përvojë e mahnitshme. Shumë falenderime për Albania Rafting Group dhe për promovimin e vizitave në këtë thesar shqiptar. Kjo dhe bukuri të tjera natyrore në Shqipëri duhet të mbrohen përmes turizmit të qëndrueshëm natyror, si dhe ruajtjes së mjedisit”.