Ambasadori i Bashkimit Evropian në Tiranë, Luigi Soreca, thotë se ka zhvilluar një takim me drejtuesin e Prokurorisë Speciale, Arben Kraja dhe me shefen e Byrosë Kombëtare të Hetimit, Aida Hajnaj.
Soreca thotë se kishte diskutuar me dy drejtuesit e institucioneve në fjalë për funksionimin e plotë të BKH-së si një nga elementët kryesor të reformës në drejtësi.
“U takova me shefin e Prokurorisë Speciale dhe drejtoren e BKH-së, Aida Hajnaj. Diskutuam për arritjet e deritanishme të SPAK dhe procesin transparent të rekrutimit për hetuesit e BKH-së. Është e rëndësishme të vazhdohet kjo punë me të njëjtin intensitet dhe angazhim, duke pasur parasysh pritjet e mëdha për SPAK për të vazhduar dhënien e rezultateve.
Theksova rëndësinë e ecjes përpara në trajnimin dhe emërimin e shpejtë të hetuesve. Gjithashtu, ritheksoj se Bashkimit Evropian është i gatshëm të vazhdojë të ofrojë mbështetje dhe ndihmë të plotë për SPAK si një nga elementët kryesor të reformës së drejtësisë në Shqipëri”, shkruan ai.