Ambasadori i Ukrainës në Tiranë, Volodymyr Shkurov ka zhvilluar ditën e sotme një takim me Presidentin Ilir Meta. Përmes një deklarate për mediat, ambasadori i Ukrainës ka shprehur falenderimin për të gjithë mbështetjen nga vendi jonë ndaj Ukrainës.
“Si ambasador i Ukrainës në Shqipëri dhe përpara nisjes së konfliktit kam ndjerë mbështetjen e zotit Ilir Meta. Edhe pas shpërthimit të konfliktit presidenti ka qenë ndër të parë që ka shprehur mbështetjen e tij.
Sot gjatë takimit tonë kam mundur të shpreh për falenderimet e presidentit Zelensky ndaj presidentit Meta.
Në këtë mënyrë kam përcjellë dhe fjalitë falenderuese nga i gjithë populli i Ukrainës”, tha ambasadori Shkurov.
