Skip to content

Ambasadorja Kim takim me Presidentin e zgjedhur Begaj: Faleminderit për punën e kryer si Shef i Shtabit

Ndajeni këtë artikull me të tjerë duke klikuar ikonat më poshtë

Ambasadorja e Shteteve të Bashkuara të Amerikës, Yuri Kim është takuar sot me Presidentin e zgjedhur të Shqipërisë, Bajram Begaj.

 

Lajmin e ka bërë të ditur vetë ambasada amerikane në vendin tonë, e cila thotë se takimi është zhvilluar në Pallatin e Brigadave.

 

Pasi e uroi për zgjedhjen në krye të Shtetit shqiptar, diplomatja e lartë amerikane përsëriti qëndrimin se “Shtetet e Bashkuara presin me padurim të vazhdojnë bashkëpunimin e shkëlqyer me të në detyrën e tij të re”.

 

“Ambasadorja e SHBA Yuri Kim u takua sot me Presidentin e zgjedhur Bajram Begaj në Pallatin Presidencial (Pallati i Brigadave) në Tiranë. Ajo e uroi atë për zgjedhjen e tij si President i ardhshëm i Shqipërisë dhe përsëriti se Shtetet e Bashkuara presin me padurim të vazhdojnë bashkëpunimin e shkëlqyer me të në detyrën e tij të re. Ambasadorja Kim e falënderoi atë për kontributin e tij në forcimin e marrëdhënieve SHBA-Shqipëri si Shef i Shtabit, veçanërisht gjatë stërvitjes ushtarake Defender Europe 2021 dhe vuri në dukje se ajo pret shumë takime të tjera me Presidentin e zgjedhur Begaj gjatë presidencës së tij të ardhshme”, thuhet në njoftimin e ambasadës.

Ndajeni këtë artikull me të tjerë duke klikuar ikonat më poshtë