Policia e Elbasanit ka vënë në pranga një 29-vjeçar pasi u përfshi në një aksident ku si pasojë mbetën të plagosur 5 persona.
I arrestuari është shtetasi amerikan J. A., 29 vjeç.
Me automjetin që drejtonte në gjendje të dehur ai është përfshirë në aksident rrugor me 2 automjete dhe për pasojë është dëmtuar lehtë drejtuesi i njërit automjet, shtetasi Q. M., 31 vjeç, 2 pasagjerë dhe 2 fëmijet e tyre të mitur, të cilët ndodhen jashtë rrezikut për jetën.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
