Policia britanike ka shpallur në kërkim një shqiptar, pasi akuzohet se është pjesë e një bande të cilët kanë grabitur përmes mashtrimit financiar 3 milionë sterlina në një bankë.
Shqiptari i shpallur në kërkim është Denis Marku, 21 vjeç, i cili ishte punonjës në një bankë në Londër dhe ka dyshime se ka përdorur pozicionin e punës për të fituar akses në llogaritë bankare të mijëra britanikëve në degën e ‘Metrobank’.
Për identifikimin dhe kapjen e tij policia ka publikuar foton e tij dhe kërkon ndihmën e qytetarëve.
Sipas policisë, 21-vjecari kishte rolin e asistentit të klientëve në bankë. Shqiptari rezulton se për herë të fundit ka jetuar në zonën South Norëood, në jug të Londrës.
