Një anije e Rojës Bregdetare të SHBA-së kaloi përmes ngushticës së Bosforit të martën vonë në mbështetje të operacioneve të NATO-s në rajon.
USCGC Hamilton (WMSL-753), gjatësia e të cilit është 127 metra dhe me lartësi prej 43 metra, është drejtuar për në Detin e Zi, në atë që do të jetë vizita e parë nga një anije e Rojës Bregdetare të SHBA-së që prej vitit 2008.
Sipas një deklarate nga flota e 6-të e SHBA-së, anija e fundit të Rojës Bregdetare të SHBA-së që vizitoi Detin e Zi, USCGC Dallas (WHEC-716), lundroi atje dy herë, në vitet 1995 dhe 2008.
Gjatë kalimit të USCGC Hamilton në Bosfor, ai u shoqërua nga anija e Rojës Bregdetare Turke dhe divizioni detar i Policisë së Stambollit.
Zyrtarët rusë më vonë lëshuan një deklaratë ku thanë se forcat e tyre në Detin e Zi janë duke vëzhguar anijen Hamilton gjatë qëndrimit të saj në ujëra.