Gjykata Kushtetuese ka vendosur unanimisht që të pezullojë dekretin e Presidentit Bajram Begaj për zgjedhjet për Bashkinë Tiranë.
Pezullimi i dekretit, vjen pasi Erion Veliaj, tanimë ish kryebashkiak, ankimoi në Kushtetuese dhe kërkoi që dekreti i Begajt të shpallej i paligjshëm.
Veliaj ka kërkuar që të pezullohej procesi për zgjedhjet në Bashkinë e Tiranës. Ndërkaq, ai ka bërë më herët një tjetër ankim në Kushtetuese, lidhur me shkarkimin e tij nga detyra.
Presidenti Begaj kishte caktuar 9 nëntorin, si datë për mbajtjen e zgjedhjeve të pjesshme vendore.