Aplikimet për lotarinë amerikane do të nisin nga e para. Lajmin e bën me dije Ambasada Amerikane përmes një njoftimi zyrtar në profilin e saj në Facebook.
 
Në këtë njoftim theksohet se shkak për shtyrjen janë bërë disa probleme teknike.
 
Në këtë njoftim thuhet se data e hapjes së aplikimeve të reja do të jetë 18 tetori.
 
Për shkak të problemeve teknike, periudha e regjistrimit për Lotarinë DV-2019 do të rifillojë nga e para. Të gjitha regjistrimet e bëra përpara datës 18 tetor 2017 do të duhet të ribëhen në mënyrë që të merren në konsideratë. Ne na vjen keq për shqetësimin e krijuar për aplikantët e vizave të shumëllojshmërisë. Për të siguruar drejtësi dhe për të mbrojtur integritetin e procesit për të gjithë ata që janë të interesuar, ne duhet ta rifillojmë procesin e regjistrimit për këtë vit (DV-2019). Periudha e re e regjistrimit për Lotarinë DV-2019 do të hapet të Mërkurën, 18 tetor 2017, në orën 18:00 ora lokale e Shqipërisë dhe mbyllet më 22 nëntor 2017, ora 17:00 ora lokale e Shqipërisë.

Subscribe kanalin tonë në Youtube për të mos humbur asnjë video të re