Gjykata e Apelit e Krimeve të Rënda ka ulur masën e dënimit ndaj ish-gjyqtarit Shkëlqim Miri.
Në seancën e të martës, avokati mbrojtës i Shkëlqim Mirit kërkoi pafajësinë për ish-gjyqtarin por gjykata vendosi që të ulë dënimin me vetëm 8 muaj.
Shkëlqim Miri në 2018 u dënua nga Gjykata e Krimeve të Rënda me 2 vjet e 6 muaj me akuzën e korrupsionit.
Arrestimi i Shkëlqim Mirit u bë në nëntor 2017 pas një hetimi të nisur nga prokuroria pasi dyshohet se ai ka përfituar shumën prej 30 mijë eurosh në këmbim të ndryshimit të kualifikimit të një vepre penale.
