Gjykata e Apelit të Juridiksionit të Përgjithshëm ka rrëzuar kërkesësn e Altin Çokut për masë më të butë sigurie dhe ka ka lënë në fuqi masën “arrest me burg” që Gjykata e Tiranës vendosi për të më datë 15 shkurt 2023.
Altin Çoku kërkoi ndryshimin e vendimit dhe caktimin e një mase sigurimi personal më të butë, për shkak dhe të gjëndjes shëndetësore.
Lexo edhe :Related Posts
Kujtojmë se Altin Çoku akuzohet se çoi drejt vetëvrasjes Sibela Abedinin, nënën e një vajze 27-vjeçarja fatkeqe vrau veten duke u hedhur nga tarraca e katit të katër të pallatit ku banonte në Kamzë, pas publikimit të fotos intime në Tik Tok.
Bëhet fjalë për një foto, në të cilën Sibela ndodhej në shtrat ne një dhomë me Altin Çokun.
Njoftimi i Gjykates
Më datë 10.02.2024, rreth orës 22:30, shërbimet e policisë gjyqësore janë njoftuar se në rrugën “Teuta”, lagjia nr. 7, Bathore, ka rënë nga lartësia e një objekti 4 katësh shtetësia me iniciale S. A, e cila më pas është dërguar në Spital ku ka gjetur dhe vdekjen. Nga kqyrja e telefonit ka rezultuar që viktima me iniciale S.A, ka pasur komunikime në rrjete sociale me personin nën hetim shtetasin A. Ç, në lidhje më një fotografi të viktimës me personin nën hetim, e cila ishte publikuar në rrjetin social.
Gjykata e Shkallës së Parë e Juridiksionit të Përgjithshëm Tiranë, ka zhvilluar gjykimin lidhur me vlerësimin e ligjshëm të ndalimit dhe caktimin e masës së sigurimit “arrest në burg”, ndaj personit nën hetim shtetasit me iniciale A. Ç, i dyshuar për kryerjen e veprës penale “Shkaktimi i vetëvrasjes”, të parashikuar nga neni 99 i Kodit Penal.
Gjykata e Shkallës së Parë e Juridiksionit të Përgjithshëm Tiranë, me vendimin nr. 421 Regj.Them, datë 15.02.2024, ka vendosur:
1. Vlerësimin si të ligjshëm të arrestimit në flagrancë, ndaj personit nën hetim A. Ç, i dyshuar për kryerjen e veprës penale “Shkaktimi i vetëvrasjes”, të parashikuar nga neni 99 i Kodit Penal.2. Caktimin ndaj personit nën hetim A. Ç, masën e sigurimit personal atë të “arrestit në burg” të parashikuar nga neni 238 të K.Pr. Penale.
Çështja në apel u shqyrtua mbi bazën e ankimit të bërë, nga personi nën hetim me iniciale A. Ç, i cili kërkoi ndryshimin e vendimit caktimin e një mase sigurimi personal më të butë, për shkak dhe të gjëndjes shëndetësore.
Në përfundim të gjykimit, sot më datë 11.03.2024, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtare Znj. Irena Brahimi, vendosi:
-Miratimin e vendimit nr. 421 Regj.Them, datë 15.02.2024 të Gjykatës së Shkallës së Parë të Juridiksionit të Përgjithshëm Tiranë.
39-vjeçari është një emër i njohur për drejtësinë shqiptare për shkak të implikimit të tij në disa vepra penale, por që ja ka hedhur paq burgut për shkak të kartelës që ka si person me prapambetje mendore. 27-vjeçarja Abedini dyshohet se u vetëvra pas publikimit të një fotoje intime në rrjetet sociale nga personazhi i TikTok-ut.
E reja ishte e martuar në Kosovë dhe ishte nënë e një vajzë. Për shkak të problemeve me bashkëshortin, ajo ishte ktheyr te prindërit e saj në Kamëz. 27-vjeçarja ishte nënë e një vajzë 2-vjeçare dhe familjarët kanë ngritur dyshimin se ajo nuk është vetëhedhur nga lartësia, por e kanë shtyrë/
