Ish-zv.kryeministrit Arben Ahmetaj i është hequr sot mandati si deputet i Partisë Socialiste në Kuvendin e Shqipërisë, pasi prej 6 muajsh ndodhet në arrati, duke mos u paraqitur në seancat plenare.
Deputetja socialisye, Blerina Gjylameti u shpreh sot në “Kjo Javë”, në Neës24, se lidhur me procedurat për Ahmetajn, është vepruar si me çdo rast tjetër.
“Ka pasur një sërë elementësh procedural. Do mblidhet komisioni i mandateve dhe më pas kalon në KQZ, për të parë se kush do të vijë në Parlament. Respektimi i procedurave ligjore në Parlament, ka shërbyer shumë që të japim një mesazh që duhen ndjekur procedurat. Nuk është vepruar ndryshe, thjeshtë pjesa procedurale”, tha Gjylameti