Pas lajmit mbi marrjen na SHBA të sistemit raketor Javelin, nga Kosova vjen një tjetër lajm, ai i pajisjes së patrullave policore, siç shkruan minsitri Sveçla, me armë të gjata.
“Nga sot të gjitha patrullat e Policisë së Kosovës do të pajisen me armë të gjata.
Me blerjen e këtyre armëve për të gjitha patrullat policore anekënd Republikës së Kosovës rritet efikasiteti në luftimin e krimit me çka mundësohet një ambient më i sigurt, rend publik më i qetë dhe më shumë siguri për zyrtarët tanë policorë”.
Interesante është se nga vijnë këto armë, siç lë të kuptuar Sveçla, nga një shtet ballkanik ish-jugosllav, aleate me Kosovën, rivale me Serbinë, Kroacia.
“Falënderoj edhe shtetin mik kroat për bashkëpunimin e ngushtë dhe korrekt me institucionet e Republikës së Kosovës”, shkruan Sveçla.