Ushtria e Armenisë nuk është duke iu përmbajtur armëpushimit të përkohshëm humanitar.

Ministria e Mbrojtjes së Azerbajxhanit njofton se forcat armene gjatë natës kanë kryer sulme me artileri dhe mortaja ndaj zonave përreth qytetit Jabrayil dhe fshatrave të çliruar përgjatë lumit Araz.

“Në mesin e ushtarëve azerbajxhanas nuk ka humbje jete. Forcave armene u është dhënë përgjigjja e nevojshme dhe se ushtria e Azerbajxhanit vazhdon aktivitetet e saj përgjatë gjithë frontit”, thuhet në deklaratë.

Më tej thuhet se deri në hyrjen në fuqi të armëpushimit dje, ushtria azerbajxhanase ka shkatërruar 2 stacione raketahedhëse të sistemit kundërajror S-300, 5 tanke T-72, 3 sisteme raketore Grad, 2 sisteme raketore Smerch, 1 obus D-20, 1 top kundërajror KS-19 dhe 6 automjete të ushtrisë armene që transportonin municione.

Ushtria e Azerbajxhanit është në avantazh përgjatë gjithë vijës së frontit.

Armëpushimi i përkohshëm humanitar mbi të cilin u dakorduan Azerbajxhani dhe Armenia hyri në fuqi duke filluar nga mesnata mbrëmë prej orës 00.00 sipas kohës lokale.