Fax News mëson detaje të reja nga arrestimi i Edison Begajt në Vlorë, 3 ditë më parë nga RENEA, që sipas familjarëve të tij është bërë në mënyrë tendencioze.
Xhaxhai i Begajt thotë se policia dështoi që ta mbronte, dhe arma që iu gjet ishte për vetëmbrojtje. Ai tregon se Begaj nuk ka bërë asnjë krim, dhe se tashmë dy fëmijët e tij të mitur janë lënë rrugëve, për shkak se prindërit u janë ndarë disa kohë më parë.
“Gjithcka ishte tendencioze. Policia nuk e mbrojti dot, u plagos me 9 plumba në sy të fëmijëve. Armë e kishte për vetëmbrojtje. Policia ka qenë tendencioze, nëndrejtori erdhi te biznesi dhe bëri me shenjë për të arrestuar Edisonin.
Edisoni nuk ka bërë krim, po mbronte jetën e tij, ndërkohë që atentatori i tij endet i lirë. Atentatori ishte veshur si Polic, u gjet veshja, u gjet, makina, u gjet arma por jo autori. Edisoni ka lënë dy fëmijët e mitur rrugëve”, shprehet xhaxhai i Begajt.
Në 29 maj, ndaj Edison Begajt iu bë atentat në hyrje të shtëpisë së tij në Kaninë, ku prezent ishin edhe dy fëmijë të mitur 6 dhe 7 vjeç. Në atentat Begaj u plagos me 9 plumba, ndërsa pas ngjarjes policia sekuestroi pamjet, u gjet makina e atentatorëve dhe veshja e atentatorit. Atentatori ishte i veshur si Polic, dhe ishte pa maskë.
Policia ende nuk e ka ndaluar dhe sipas bluve as identifikuar autorin.
Megjithatë arrestimi i Edison Begqj, me bujë në mes të shëtitores Lungomare, në ambientet e lokalit të tij, kanë sjellë reagimin e familjarëve të Begaj të cilët akuzojnë policinë se ka pas direktiva dhe tendenca për të arrestuar Begajn.
Kush është Edison Begaj?
Edison Begaj, babai i dy fëmijëve të mitur, njëri prej djemve me probleme shëndetësore. Administrator i një Gelaterie në Vlorë. I divorcuar nga bashkëshortja dhe prind i vetëm në rritjen e fëmijëve.
Nëna e Begaj ka tre muaj që ka ndërruar jetë, babai i Edison Begaj prej dy vitesh ndodhet në gjendje të rëndë shëndetësore pasi u rrëzua nga një pemë ulliri.
Arrestimi i Begaj, fëmijët kanë mbetur pa kujdestar, ndërsa këto ditë janë shokë të Begajt të cilët po kujdesen për fëmijët.
…
/faxweb
